బాబు..ఎన్టీఆర్ మధ్య సయోధ్య?

Posted October 3, 2016

chandra babu ntr reconciliationఏపీ ముఖ్యమంత్రి చంద్రబాబు,యంగ్ టైగర్ ఎన్టీఆర్ మధ్య సయోధ్యకు ప్రయత్నాలు మొదలయ్యాయి. ఎవరి ఫీల్డ్ లో వాళ్ళు ఏ మాత్రం ఇబ్బందుల్లేని పరిస్థితుల్లో వున్నప్పుడు ఈ ప్రయత్నాలు ఎందుకు జరుగుతాయి? జరిగినా అవి ఫలించే అవకాశముందా? ఎవరికైనా ఈ సందేహం రావడం సహజం.అయితే ఈ ప్రయత్నం జరగడం ఏదో మధ్యవర్తులు ఆసక్తి మాత్రమే కాదు.ఇందుకు సంబంధించి రెండు వైపులా ఇదే ఆలోచన వ్యక్తమవుతున్నట్టు తెలుస్తోంది. ఆ విషయం అర్ధమయ్యాకే మధ్యవర్తులు రంగంలోకి దిగినట్టు సమాచారం.

ఇటీవల సినీరంగంలో తెలుగుదేశానికున్న పరపతి తగ్గుతున్న విషయం చంద్రబాబుని కలవరపెడుతోంది.దానికి తోడు 2019 నాటికి పవన్ కళ్యాణ్ సొంత కుంపటి పెట్టుకోవడం దాదాపు ఖాయమైంది.బాలకృష్ణ ఉన్నప్పటికీ ఈ పరిస్థితుల్లో ప్రస్తుతం ట్రెండ్ కి యువకథానాయకుల అవసరముందని బాబు తో పాటు యువ నేత లోకేష్ కూడా భావిస్తున్నారు.అదే సమయంలో హిట్ సినిమాలకి సైతం రావాల్సిన స్థాయిలో కలెక్షన్స్ రాకపోవడం వెనుక టీడీపీ నాయకత్వంతో ఉన్న విభేదాలేనని ఎన్టీఆర్ ఓ నిర్ణయానికి వచ్చారు.ఆ అభిప్రాయబేధాలు పరిష్కరించుకోడానికి ఏదైనా అవకాశం వస్తే బాగుంటుందని భావిస్తున్న ఎన్టీఆర్అదే టైం లోకొన్నాళ్ల పాటు రాజకీయాలకి దూరంగానే ఉండాలని కూడా డిసైడ్ అయ్యారు. ఇద్దరి పరిస్థితిని అర్ధం చేసుకుని రెండు రంగాలతో సంబంధమున్న ఓ పెద్ద మనిషి ఇప్పటికే ఇటు బాబు ..అటు ఎన్టీఆర్ తో చూచాయగా విషయం చెప్పారట.వాళ్ళు కూడా సుముఖంగా ఉండటంతో త్వరలో ముఖాముఖి సమావేశానికి ఏర్పాట్లు చేస్తున్నారట.ఆ ప్రయత్నాలు ఫలిస్తే నందమూరి,నారా కుటుంబాల అభిమానులే కాదు టీడీపీ వర్గాలు ఖుషీ అవుతాయి.

Post Your Coment
Loading...