అభిమాని కోసం పవన్..!

Posted [relativedate]

Pawan Kalyan trivikram nitin new movieపవర్ స్టార్ పవన్ కళ్యాణ్ తన అభిమాని కోసం నిర్మాతగా మారాడు. పవన్ కళ్యాణ్ క్రియేటివ్ వర్క్స్ బ్యానర్లో మాటల మాంత్రికుడు త్రివిక్రం శ్రీనివాస్ తో కలిసి ఓ సినిమా నిర్మిస్తున్నాడు పవన్ కళ్యాణ్. ఇంతకీ ఈ సినిమాలో హీరో ఎవరంటే ఇంకెవరు పవన్ అభిమాని నితిన్ అని తెలుస్తుంది. లవర్ బోయ్ ఇమేజ్ తో దూసుకెళ్తున్న నితిన్ ఈ మధ్యనే అఆతో అదిరిపోయే హిట్ అందుకున్నాడు. ప్రస్తుతం హను రాఘవపుడి డైరక్షన్లో సినిమా చేస్తున్న నితిన్ కృష్ణ చైతన్య అనే నూతన దర్శకుడితో సినిమా కమిట్ అయ్యాడు.

ఈ మూవీను పవన్, త్రివిక్రం కలిసి నిర్మిస్తుండటం విశేషం. తన సినిమా ఆడియోకి పవన్ వస్తే చాలు అనుకునే నితిన్ కు ఏకంగా పవర్ స్టార్ నిర్మాణంలోనే నటించే ఛాన్స్ అంటే ప్రస్తుతం నితిన్ ఏ రేంజ్ హ్యాపీగా ఉంటాడో మనం అర్ధం చేసుకోవచ్చు. ఇప్పటిదాకా తన సినిమాలకే తన నిర్మాణ భాధ్యతలను మోసే పవన్ ప్రత్యేకించి ఓ బయట హీరోని ప్రమోట్ చేయడం ఇదే మొదటిసారి.

మరి పవన్ ఆయనకు తోడుగా త్రివిక్రం ఈ ఇద్దరు కలిసి నిర్మిస్తున్న ఈ సినిమా డ్యాం షూర్ హిట్ అని మాత్రం చెప్పేయొచ్చు. తన దర్శకత్వంలో సినిమాలు చేస్తూనే మరో పక్క నిర్మాతగా కొత్త టాలెంట్ ను ఎంకరేజ్ చేసే పని పెట్టుకున్నాడు త్రివిక్రం శ్రీనివాస్. మరి మొదటి ప్రయత్నం ఏమేరకు సక్సెస్ అవుతుందో చూడాలి.