అదే బాటలో మరో రెండు సినిమాలు: క్రిష్

Posted February 13, 2017 (3 weeks ago)

krish says to direct sri krishnadevaraya and gautama buddha biopic moviesక్రిష్ దర్శకత్వంలో బాలకృష్ణ 100వ చిత్రంగా తెరకెక్కిన గాతమీపుత్ర శాతకర్ణి ఎంతటి విజయాన్ని సాధించిందో ప్రత్యేకంగా చెప్పనవసరం లేదు. ఈ సినిమా అందించిన ఉత్సాహంతో క్రిష్ మరో రెండు సినిమాలను తెరకెక్కిస్తానని ప్రకటించాడు. మీడియాతో మాట్లాడిన ఆయన శాతవాహన చక్రవర్తి గౌతమీపుత్ర శాతకర్ణి కథను ప్ర‌జ‌ల‌కు తెలియ‌జేయ‌డం ప‌ట్ల హ‌ర్షం వ్య‌క్తం చేశాడు. కేవ‌లం 79 రోజుల్లో తాము ఈ సినిమాను కంప్లీట్ చేశామని తెలిపాడు.

తాను భ‌విష్య‌త్తులో శ్రీకృష్ణదేవరాయలు,గౌతమ బుద్ధుడు లాంటి చారిత్రక క‌థ‌ల‌ను కూడా తెర‌కెక్కించ‌డానికి ప్ర‌య‌త్నిస్తాన‌ని చెప్పాడు. తెలుగు చిత్రసీమలో ఇలాంటి సినిమాలు మరిన్ని రావాలని, అప్పుడే  రాబోయే తరాలకు మనం చరిత్రను తెలియజెప్పిన వారమౌతామని వెల్లడించాడు. కాగా ఈ విషయం తెలుసుకున్న సినీ విశ్లేషకులు చారిత్రక సినిమాలు రూపొందించడం అంటే మామూలు విషయం కాదని అంటున్నారు. గౌతమీ పుత్ర శాతకర్ణి బాలయ్య చేయడం వల్ల విజయం సాధించిందంటున్నారు. మరి క్రిష్ చేయబోయే ఈ రెండు సినిమాలు ఏ మాత్రం విజయం సాధిస్తాయో  చూడాలి.

NO COMMENTS

LEAVE A REPLY