ఆ కూర వండాలంటే లైసెన్స్ తీసుకోవాలట .!

Posted [relativedate]

licence required for fugu fish curryచేపకూరని వండాలంటే మాత్రం నాలుగేళ్లు ప్రత్యేక శిక్షణ తీసుకొని తర్వాత లైసెన్స్ తీసుకోవాలంట.లాగొసెఫలస్‌ జాతికి చెందిన పుఫ్పర్‌ ఫిష్‌ను జపాన్‌లో ‘ఫుగు’ అని పిలుస్తుంటారు. ఈ చేప వంటకం అంటే అక్కడి ప్రజలకు చాలా ఇష్టమట. అయితే.. దీన్ని వండాలంటే మాత్రం చాలా కష్టం. ఎందుకంటే.. ఫుగు చేప విషపూరితం ఇది సైనైడ్‌ కన్నా 1200రెట్లు అధికంగా ప్రభావం చూపుతుందట. ఈ చేపను తింటే మనిషి కండరాల కదలిక ఆగిపోయి.. వూపిరి ఆడక చనిపోయే ప్రమాదం ఉంది.

అయినా ఈ చేపను తినడానికి జపనీయులు ఆసక్తి చూపుతుంటారు. అందుకే రెస్టారెంట్‌ యజమానులు ఫుగు చేపతో రుచికరమైన వంటలు చేసేందుకు ప్రత్యేకంగా శిక్షణ పొందిన చెఫ్‌లను మాత్రమే నియమించుకుంటారు. ఏ మాత్రం నిర్లక్ష్యం వహించినా… చెఫ్‌, తినేవారికి ప్రాణాపాయం కలిగే అవకాశం ఉంది. ఫుగు చేపకూర తయారీ కోసం ప్రత్యేకంగా శిక్షణ తీసుకోవాల్సి ఉంటుంది. ఇందుకు మొదట ఫుగు చేప వంటకంలో మూడేళ్ల కోర్సు చేయాలి. ఆ తర్వాత చేపను గుర్తించడం, ముక్కలు చేయడం, వండటం, తినడం వంటి అంశాల్లో శిక్షణ పొంది పరీక్షల్లో ఉత్తీర్ణత సాధించాలి. అప్పుడే లైసెన్స్‌ ఇస్తారు. అలా లైసెన్స్‌ పొందిన చెఫ్‌లు మాత్రమే ఈ ఫుగు వంటకాన్ని తయారు చేయాలి. ఏది జపాన్ లో మాత్రమే దొరుకుతుంది ..