మనుషుల శాడిజమ్ కి కోతి మృతి..

0
16

Posted November 24, 2016 (2 weeks ago)

medical college students herrasing monkeyవైద్యో నారాయణో హరి అన్నారు పెడ్తారు అంటే వైద్యుడే దేవుడితో సమానం అని ..కానీ అక్కడ సాక్షత్తు భవిష్యత్తు వైద్యులే యమా దోటలుగా మారి ఓ కోతి ప్రాణాలను హరించారు … పైశాచిక ఆనందం కోసం ఓ మూగ జీవిని చిత్ర హింసలు పెట్టి మరీ చంపారు కొందరు కాబోయే వైద్యులు. ఈ దారుణ ఘటన చెన్నై వేలూరులోని క్రిస్టియన్‌ మెడికల్‌ కళాశాలలో చోటుచేసుకుంది. నలుగురు విద్యార్థులు ఓ కోతి చేతులు, కాళ్లు కట్టేసి, దాన్ని చిత్రహింసలు పెట్టి చంపి.. పాతి పెట్టారు. నలుగురు వైద్య విద్యార్థులు దాన్ని దుప్పటితో కప్పి, చేతులు కట్టేసి ఇతర విద్యార్థుల ముందు చిత్రహింసలు పెట్టారు. బెల్టులు, కట్టెలతో కొట్టి.. అంతటితో ఆగక ఓ ఇనుపచువ్వని దాని శరీరంలోకి దూర్చి చంపారు.

ఆ కళేబరాన్ని హాస్టల్‌కు సమీపంలోనే గుంత తవ్వి పూడ్చారు. ఈ విషయం తెలుసుకున్న చెన్నైకి చెందిన జంతు సంక్షేమ కార్యకర్త శ్రావణ్‌ కృష్ణన్‌ పోలీసులకు ఫిర్యాదు చేశారు. పోలీసులతో కలిసి కోతిని పూడ్చిన ప్రదేశానికి వెళ్లి కళేబరాన్ని బయటకు తీశారు. పోలీసులు ఆ నలుగురు విద్యార్థులపై కేసు నమోదు చేశారు. కళాశాల యాజమాన్యం హాస్టల్‌ జనరల్‌ సెక్రెటరీని, నలుగురు విద్యార్థులను సస్పెండ్‌ చేసింది. గతంలోనూ చెన్నైకి చెందిన వైద్య విద్యార్థి ఒకరు కుక్కను మేడపై నుంచి కిందకి విసిరి.. ఆ వీడియోను సోషల్‌మీడియాలో పోస్ట్‌ చేశాడు. అప్పట్లో ఈ ఘటనను ఖండిస్తూ నెటిజన్లు పెద్ద ఎత్తున విమర్శించిన సంగతి తెలిసిందే…..

NO COMMENTS

LEAVE A REPLY